Мадина базарынын жанында “өпкө” айдоочу оор кырсыкка себепкер болду - Видео
Төрт унаа жабыркады
Бишкекте "Мадина" базарынын жанынан унаасын ылдам айдаган айдоочу катуу кырсыкка учурады.
Патрулдук милициядан билдиришкендей, Мерседес-Бенц үлгүсүндөгү унаанын 24 жаштагы айдоочусу катуу ылдамдыкта рулду башкара албай калып, дагы үч унаа менен — Honda Stepwgn, Toyota Corolla, Toyota Camry сүзүшкөн.
Кырсыктын кесепетинен жабыркагандар жок экендиги белгиленүүдө.
Бардык унаалар убактылуу кармоочу жайга токтотулган. Учурда экспертиза дайындалып, иликтөө иштери жүрүп жатат.
Сүрөт: www
Бизди Телеграм каналыбыздан окуңуз