Июнь окуясында адам өлтүрүүгө шектелген жаран 14 жылдан кийин кармалды
Аны Орусиядан келери менен Ош аэропортунан кармашты
2010-жылдагы июнь окуясында адам өлтүрүү фактысы боюнча издөөдө жүргөн адам Ош аэропортунан кармалды.
Ош шаардык ички иштер башкармалыгынан билдиришкендей, 37 жаштагы Ж.М. Орусиядан келери менен кармалды.
Тергөө органдарынын маалыматы боюнча, 2010-жылдагы июнь окуясында, тактап айтканда 2010-жылдын 13-июнунда Ж.М., башка жарандар менен бирге 1953-жылы туулган Кара-Суу районунун тургунун Ак-Буура дарыясынын жээгине алып келип, бычактап, андан соң сөөгүн дарыяга ыргытып жиберишкен.
Өлтүрүлгөн адамдын жансыз денеси 2010-жылдын 19-июнунда Өзбекстандын Анжиян облусунун Ходжаабад районунда табылган.
Ж.М. бул убакыттын ичинде Россиянын аймактарында улам шаар алмаштырып, тергөөдөн жашырынып жүргөн.
Сүрөт Ош ОИИБнин басма сөз кызматы