УКМК мамлекеттик чек араны мыйзамсыз кесип өтүүгө аракет кылган пакистандык 6 жаранды кармады
Чет элдиктер Казакстандын аймагына кирүүгө аракет кылышкан
Улуттук коопсуздук боюнча мамлекеттик комитети мамлекеттик чек араны мыйзамсыз кесип өтүүгө аракет кылган пакистандык 6 жаранды кармады.
Атайын кызматтын маалыматы боюнча, 20-майда таңкы саат 3.30да Васильевка чек ара заставасында Пакистан Ислам Республикасынын 6 жараны кыргыз-казак чек арасынан мыйзамсыз өтүүгө аракет кылган учурда кармалган.
Бул факты боюнча УКМКнын Тергөө башкармалыгы тарабынан КР Кылмыш-жаза кодексинин 37 жана 378-беренесинин 1-бөлүгү менен кылмыш иши козголду. Кармалгандар Борбордук ички иштер башкармалыгынын убактылуу кармоочу жайына киргизилди.
«Учурда бул фактыга тиешеси бар башка адамдарды аныктоо боюнча комплекстүү ыкчам-иликтөө иш-чаралары жүргүзүлүүдө», — деп айтылат маалыматта.
Сүрөт УКМКнын басма сөз кызматы