Мамлекеттик салык кызматы шектүү алкоголдук продукциянын ири партиясын аныктады
Дээрлик 2 миң бөтөлкө алынды
Мамлекеттик салык кызматы акциздик маркасы жана коштоочу документтери жок дээрлик 2 миң бирдик алкоголдук ичимдиктерди аныктады.
Мекеменин басма сөз кызматы билдиргендей, салыктык көзөмөл рейдинин жүрүшүндө Ош облусунун Өзгөн районунун Куршаб айылындагы «Жаңы-Арык» ички чарбалык постунда автоунааларды, акциздик маркалары жана коштомо документтери жок алкоголдук ичимдиктерди текшерүү учурунда суммасында 1 миң 80 даана табылган.
Мындан тышкары, дагы бир унааны текшерүү учурунда посттун кызматкерлери акциздик маркасы жок 720 даана арак продукциясын аныкташкан.
Ошондой эле Талас облусунун Бакай-Ата районунун Маданият айылында 149 даана күмөндүү акциздик маркалар менен алкоголдук продукцияларды сатуу фактысы аныкталган.
Алынган алкоголдук ичимдиктер боюнча материалдар транспорт каражаттары менен бирге Кыргыз Республикасынын мыйзамдарына ылайык чара көрүү үчүн тиешелүү органдарга өткөрүлүп берилди, - деп айтылат маалыматта.
Сүрөт Мамлекеттик салык кызматынын басма сөз кызматы