Өспүрүм дүкөндөн PlayStation 5 жана бир нече iPhone телефондорун уурдап кеткен
Келтирилген чыгым 400 миң сомду түзгөн
Кызыл-Кыя шаарында дүкөндөн 400 миң сомго уурулук кылган өспүрүм кармалды.
Баткен облустук ИИБ билдиргендей, Кызыл-Кыя ШИИБге жергиликтүү тургун кайрылып, беткапчан белгисиз адам телефон дүкөнүнүн чатырынан кирип, Sony PlayStation 5 оюн консолун жана iPhone үлгүсүндөгү уюлдук телефондорун уурдап кеткендигин билдирген. Келтирилген чыгым 400 миң сомду түзгөн.
Аталган факты боюнча 205-берене (Уурдоо) боюнча кылмыш иши козголуп, сотко чейинки өндүрүш иштери башталган.
Шектүү катары Ноокат районунун 16 жаштагы тургуну кармалды.
Уурдалган буюмдар ээсине кайтарылып, иликтөө иштери жүрүп жатат.
Сүрөт: ИИБ
Бизди Телеграм каналыбыздан окуңуз