Оштун мурдагы вице-мэри Жасур Азимов камакка алынды
Жасур Азимов «Кызмат абалын кыянаттык менен пайдалануу» беренеси боюнча шектелүүдө
Ош шаарынын мурдагы вице-мэри, бир канча чуулуу маселелерде аты аталган Жасур Азимов УКМК тарабынан кармалып, камакка алынды. Бул тууралуу бүгүн Ош облустук сотунан билдиришти.
Жасур Азимов «Кызмат абалын кыянаттык менен пайдалануу» беренеси боюнча шектелүүдө. Ал соттун 20-июлдагы токтому менен 18-сентябрга чейин камакка алынды.
Ал вице-мэрлик кызматтан 2023-жылдын апрелинде кеткен. Дээрлик 5 жыл курулуш жана муниципалдык менчик тармагын башкарган.
Бизди Телеграм каналыбыздан окуңуз