Жалал-Абад облусунун аймагында жер титиреди
Жабыркагандар жана кыйроолор катталган жок
Кечээ саат 17:55те Жалал-Абад облусунун аймагында очогунда күчү 3,5 баллга жеткен жер титирөө катталды. Бул тууралуу Өзгөчө кырдаалдар министрлигинен билдиришти.
КР Сейсмология институтунун маалыматына ылайык, жер титирөө Токтогул районунун Торкен, Кара-Жыгач айылдарында 3 баллга (Торкен айылынан 7 чакырым түштүк чыгышта, Кара-Жыгач айылынан 8 чакырым түндүк батышта) чейин сезилген.
Алдын ала маалыматка караганда, жабыркагандар жана кыйроолор катталган жок.
Бизди Телеграм каналыбыздан окуңуз