Кыргызстанда динозаврдын жаңы түрүнүн калдыктары табылды
Илимий табылганы "Манас" эпосундагы мифологиялык куштун атынан Alpkarakush kyrgyzicus деп аташкан
Таш-Көмүр шаарынын жака-белинен динозаврдын жаңы түрүнүн калдыктары табылды.
Мындай маанилүү ачылышты немец окумуштуулары кыргызстандык кесиптештери менен жасашкан. Илимий изилдөө Zoological Journal of the Linnean Society журналына жарыяланган.
Илимий табылганы "Манас" эпосундагы мифологиялык куштун атынан Alpkarakush kyrgyzicus деп аташкан.
Окумуштуулардын айтымында, теропод динозавры Кыргызстандын аймагында биринчи ирет табылып жатат.
Анын калдыктары болжол менен 165 миллион жыл мурун пайда болгон катмардан табылган.
Alpkarakush kyrgyzicus узундугу 9 метрге жетет.
Бизди Телеграм каналыбыздан окуңуз