Бишкекте мектеп окуучулары мушташып, алтоосу милицияга жеткирилди
Азыркы учурда алардын ата-энелери да чакырылды
Бишкекте мектеп окуучулары мушташып кетишкен. Бул тууралуу Ленин райондук ички иштер башкармалыгынан билдиришти.
Маалыматка ылайык, 17-октябрь күнү болжол менен саат 16:04 чамасында Бишкек шаарынын Жаш-Гвардия булвары менен Чүй проспектисинин кесилишинде мектеп окуучулары топтошуп мушташып жатат деген маалымат келип түшкөн.
Бул факт Бишкек шаарынын Ленин РИИБдин каттоого алынып, милиция бөлүмүнө 6 жашы жете элек өспүрүмдөр жеткирилген. Мындан тышкары, дагы башка катышуучулар аныкталууда.
Азыркы учурда алардын ата-энелери да чакырылды. Алардын ар бири менен жана ата-энелери, мыйзамдуу өкүлдөрү менен профилактикалык түшүндүрүү иштери жүргүзүлөт.
Бизди Телеграм каналыбыздан окуңуз