Базарда кайрадан өрт. Жалынды 40 мүнөттө өчүрүштү
ӨКМ маалыматы боюнча, Ош шаарынын базарындагы өрттүн себебин эки жуманын ичинде аныкташат
Ош шаарынын борбордук базарында өрт чыкты. Бул тууралуу ӨКМ пресс-кызматы билдирди.
Мекеменин билдириши боюнча чыккан өрттү 40 мүнөттүн ичинде өчүрүшкөн.
- Өрт 8:37 де толугу менен өчүрүлдү, ал эми бул тууралуу билдирүү өрткө каршы кызматына саат 7:50 келип түшкөн болчу, - деп билдиришти ӨКМ нен.
Өрт контейнерлердин биринде башталгандыгы билдирилген. Күйгөн аянттын канча экендиги азырынча белгисиз. Жабырлануучулар тууралуу маалыматтар да жок.
Министрликте кошумча маалыматтарды кийинчерээк билдиребиз дешти.
- Өрттүн чыгуу себебин эки жуманын ичинде аныктайбыз, - деп аякташты ӨКМ.
Зулайка Эркимбаева
Фото www
Бизди Телеграм каналыбыздан окуңуз