Ысык-Көлдө эс алып жүргөн бирөө 83 жаштагы кемпирди зордуктоого аракет жасаган
Кылмышка шектүүнүн үй бүлөсү жана беш баласы бар
Ысык-Көл облусуна эс алганы келген адам 83 жаштагы кемпирди зордуктоого аракет кылган. Бул тууралуу Vesti.kg сайтына аймактын ИИБ пресс-кызматы билдирди.
Пресс-катчы Сталбек Усубакуновдун маалыматы боюнча, шектүү адам жабырлануучудан бөлмөнү ижарага алган.
- 50 жаштагы Ош областынын тургуну Тамчы айылына эс алууга келип, бир бөлмөнү ижарага алган, - дейт ал. - 83 жаштагы кемпирди зордуктады деген арыз менен анын келини кайрылган. Анын айтымында, ал бөлмөгө кирип келгенде киши кемпирдин үстүндө жаткан.
Кылмышка шектүү бул ишке спирт ичимдигин ичип алып барган деп билдиришет.
- Окуя ушул жылдын 26-июлунда болуп өткөн, - дейт Усубакунов. - Кемпирдин туугандары шектүү кишини сабап, андан соң милицияга тапшырышкан. Зордуктоонун болгондугу тууралуу азырынча маалымат жок, соттук-медициналык экспертизанын жыйынтыгын күтүп жатышат.
Зордуктоого аракет кылуу фактысы боюнча кылмыш иши козголду. Эркекти Ысык-Көл районунун ИВСне киргизишти.
Милициядагылар шектүү адам үй бүлөлүү, беш баласы бар экендигин кошумчалашты.
Зулайка Эркимбаева
Сүрөт www