Солдаттарды урган үч аскердик командир кызматтарынан четтетилди
Офицерлерге карата кылмыш иши козголду
Солдаттарды урган аскердик бөлүктүн үч командирин кызматтарынан четтетишти. Аскер кызматкерлерине карата кылмыш иштери козголду.
Бул туурасында Vesti.kg сайтына КР Башкы штабынан билдиришти.
- Бул факт боюнча Аскердик прокуратура кылмыш ишин козгоду, тергөө жүрүп жатат, - деп маалымдашты мекемедегилер.
Ээлеген кызматынан старшина Орозбаев, прапорщик Жапаров жана ага лейтанат Казыбек уулу бошотулушту.
Мурда АК «Кылым шамынын» укук коргочулары
«Ала-Тоо» полигонунда кызмат өтөп жаткан үч аскер аларга жардым сурап кайрылышканын билдирген. Катардагы жоокерлердин айтымында, аскердик бөлүктүн офицерлери аларды кордоп, сабашкан.
Зулайка Эркимбаева
Сүрөт www
Бизди Телеграм каналыбыздан окуңуз