«Манас» аэропортундагылар Бишкектен учуп кеткен Боингдин кыйрашы тууралуу маалыматты ырасташты
Учак Кыргызстандан эт алып кетип бараткан деген маалыматтар бар
Бишкектен учуп чыгып, Иранда кыроого дуушар болгон Боинг чартердик болгон. «Манас» аэропортунун маалымат кызматы Vesti.kg сайтына билдиргендей, борт бүгүн эртең менен саат 7:15 те Бишкектен Бишкек - Тегеран багыты боюнча учуп кеткен.
- Бул транзиттик сапар болчу, - деп түшүндүрдү «МЭА» ААК.
Ал арада ирандыктардын маалыматы боюнча, кыйроого учураган лайнердин жүк ташуучу экендиги белгилүү болду. Борт Кыргызстандан эт алып кетип бара жаткан.
Кыргызстандын расмий мамлекеттик органдары азырынча комментарий үчүн жеткиликтүү эмес.
Толкун Сагынова
Фото www
Бизди Телеграм каналыбыздан окуңуз