Menu
RSS

Биз социалдык тармактардабыз:

TwitterFacebookYoutubeInstagramTelegram

Көрүстөндөгү жарым жылаңач кыздын сүрөтү. Мындай иштер үчүн жазалоого болобу? (Сүрөт)

Ысык-Көл облусунун ИИБ маркумдун туугандары сотко кайрылышса болот деп түшүндүрүштү

Мусулман көрүстөнүндөгү жарым жылаңач моделдин сүрөтү социалдык тармактын колдонуучуларынын массалык нааразычылыгына туш болду.

Бул иштин автору - кыргызстандык сүрөтчү Артур Болжуров. Ал өзүнүн сүрөтүн фейсбукка жарыя кылып, бул сүрөт Ысык-Көлдө 2008-жылы тартылгандыгын билдирди.

Бул чыгарылыш көптөгөн интернет колдонуучулардын нааразычылыгын туудуруп, сүрөтчү менен моделдин дарегине сан миңдеген наалаттар жамгырдай жаады. Сүрөттү алып салууну талап кылышты.

Vesti.kg сайты Ысык-Көл облусунун ИИБ кайрылып сүрөтчүнүн жана моделдин бул кылыктарынын мыйзамга каршы жагы барбы деген суроо узатты.

Милиция мекемесинин маалымат кызматынын түшүнүк бергенине караганда, Болжуровдун бул иши «вандализм» беренесине туура келбейт.
- Бул нерсе вандализм деп эсептелбейт, анткени эч нерсе бүлүнгөн жок: алар тосмону же эстеликтерди бузган жок, - деп түшүндүрүштү ички иштер башкармасындагылар. - Бирок маркумдун туугандары сотко кайрылышса болот, өлгөн адамды кордоо катары жоопко тарттырышса болот.

Сүрөт быйыл бирдин айынын экисинде жарыяланган. Бүгүн автор ал чыгарылышты өчүрүп салды.

Манас Көлбаев
Сүрөт www

Бизди Телеграм каналыбыздан окуңуз
Ой-пикир кошуңуз


Наверх