Новопокровкада поезд жеңил автоунааны сүзүп кетти. Анын ичинде жаш бала да болгон
Жабыркаган үч адам Ысык-Ата райондук ооруканасына жеткирилди
Ысык-Ата районунун Новопокровка айылында жеңил автоунаа поезддин алдында калды. Бул тууралуу Vesti.kg сайтына ИИМнин басма сөз кызматында билдиришти.
Мекеменин маалыматына ылайык, кечээ болжол менен 16:15те Новопокровка айылындагы жөнгө салынбаган кесилиште автоунаанын айдоочусу темир жолдон өтүп кетүүгө аракет кылып, поезд менен сүзүшкөн.
Унаадагы айдоочудан сырткары үч жүргүнчү жабыркаганы айтылууда. Алар Ысык-Ата райондук ооруканасына жаткырылган.
- Унаа оодарылып кеткен, - деп такташты ИИМде. - Ичинде жаш баланы кошкондо үч адам болгон. Алар Ысык-Атанын райондук ооруканасына жеткирилип, учурда амбулатордук дарылануудан өтүп жатышат. Биз окуянын чоо-жайын иликтеп жатабыз.
Эльдос Казыбеков
Фото www