Бишкекте эки жаштагы кыз 8-кабаттан кулап кетти
Дарыгерлер наристенин өмүрүн сактап кала алышкан жок
Бишкекте көп кабаттуу үйдүн 8-кабатынын балконунан эки жашар кыз кулап кетти. Бул тууралуу Vesti.kg сайтына борбор калаанын комендатурасынын басма сөз кызматынан билдиришти.
Кырсык 23-апрелде болжол менен 18:30да Исанов көчөсүндө орун алган.
«Жерине дароо Биринчи май районунун РИИБнин ыкчам тергөө тобу барып, 8-кабаттын балконунан белгисиз жагдайларда кулап түшкөн жаш кыз 2018-жылы туулган Ж.А. экени белгилүү болгон. Тез жардам кызматынын дарыгерлери наристенин каза болуп калганын аныкташкан»,- деп такташты милицияда.
Аталган факт Биринчи май районунун Кылмыштардын жана жоруктардын бирдиктүү реестрине катталып, керектүү экспертизалар дайындалды.
Эльдос Казыбеков
Фото www
Бизди Телеграм каналыбыздан окуңуз