Кыргызстанда коронавирустан сегизинчи киши көз жумду

Кыргызстанда коронавирустан дагы бир адам көз жумду. Бул тууралуу Республикалык штаб маалымдады.

Каза болгон аял 53 жашта болгону белгилүү.

«Бейтап Республикалык клиникалык инфекциялык ооруканага 5-апрелде оор абалда келип, реанимацияга жаткырылган. Ага чейин ал 1-апрелден 5-апрелге чейин Кемин райондук ооруканасында дарыланып жаткан. Маркумдун кант диабети, жүрөк дарты, жогорку тобокелдиктеги гипертоникалык илдет сыяктуу башка өнөкөт оорулары дагы болгон», - деп жазылат штаб тараткан маалыматта.

Кыргызстанда ушуну менен COVID-19 вирусунан сегизинчи адам каза тапты.

Зулайка Эркимбаева

Фото www