УКМК кызматкерлери Ош облусунун райондук сотунун төрагасын кармады (сүрөт)
Сот акча алып жаткан учурда кармалды
Өткөн жума күнү 11-сентябрда "Ж.З." аттуу жарандан арыз келип түшкөн . Кыргыз Республикасынын УКМКнын Мамлекеттик тергөө башкармалыгы сотко чейинки процесстин материалдарын Кыргыз Республикасынын Кылмыш-жаза кодексинин 326-беренесинин 2-бөлүгү (Пара талап кылуу) боюнча каттады.
Ош облусунун Кара-Суу райондук сотунун төрагасы "А.Ж.С." "Ж.З.дан" экинчисинин пайдасына соттун оң чечимин чыгарганы үчүн акча талап кылган.
2020-жылдын 14-сентябрында жүргүзүлгөн ыкчам-иликтөө ишинин негизинде, Ош облусунун Кара-Суу райондук сотунун төрагасы талап кылынган сумманы алып жаткан жеринен пара менен кармалган. Учурда тергөө иштери жүрүп жатат.
УКМКнын пресс-борбору
Сүрөт www
Бизди Телеграм каналыбыздан окуңуз