Аксы районунда массалык уулануудан алты адам каза болду
Уулангандардын айтымында алар салат, бешбармак жешкен жана суу кошулган спирт ичимдиктерин ичишкен
Бүгүн 2021-жылдын 4-мартынд саат 03: 00дөн 04: 30га чейин, тамактан ууланган төрт жаран Аксы аймактык ооруканасына кайрылышты, алардын үчөө реанимациялык чараларга карабастан каза болду. Аксы кургак учук бөлүмүндө бир бейтап дарыланууну улантууда. Анын абалы туруктуу, орточо деп бааланууда.
Мындан тышкары, үч жабырлануучу үйүндө каза болду.
Оорулардын алдын алуу жана мамлекеттик санитардык-эпидемиологиялык көзөмөлдөө департаментинин ыкчам маалыматы боюнча, 2-мартта саат 13: 30дан 16: 30га чейин Кара-Суу айылынын 19 тургуну Аксы районундагы кафеде түштөнүштү. Жабырлануучулардын айтымында, алар салат, бешбармак жеп, суу кошулган спирт ичимдиктерин ичишкен.
«Учурда Аксы мамлекеттик санитардык-эпидемиологиялык көзөмөлдөө борборунун жана аймактык оорукананын адистер тобу биргеликте эпидемиологиялык иликтөө иштерин жүргүзүп, майрамдын калган катышуучуларына барышууда. Эпидемиологиялык иликтөөнүн жыйынтыгы боюнча кошумча маалымат берилет ”, - деди жугуштуу эмес оорулардын алдын алуу жана санитардык көзөмөл департаментинин башчысы Бүбүжан Арыкбаева.
Саламаттыкты сактоо министрлигинин пресс-борбору
Фото www