Молдовановкада терроризм үчүн соттолгон адамга телевизорго катылган 14 телефонду өткөрүп берүүгө аракет кылышкан (сүрөт)
Дагы бир колонияда камактагы жарандын атасы тыюу салынган буюмду идиштин түбүнө каткан
Өткөн жума күнү, 2021-жылдын 26-мартында, саат 11:50 чамасында, Ысык-Ата районунун Нижний Нооруз айылында жайгашкан №50 түзөтүү мекемесинин кызматкерлери тыюу салынган буюмдарды соттолгон Ж.К.К.га анын атасы К.Н.нын мыйзамсыз өткөрүп берүү аракетин токтотушкан.
Текшерүүдө эки XIAOMI уюлдук телефону, 4 наушник жана башка тыюу салынган буюмдар табылып, алар идиш-аяктын түбүндө (атайын жасалган) катылган. Бул факт КЖБРде катталган.
Мындан тышкары, 27-март күнү саат 15:40 чамасында Аламүдүн районунун Молдовановка айылында жайгашкан №27 мекемеде жаран А.Ж.у. террористтик жана экстремисттик кылмыштар менен соттолгондорду кармоо үчүн обочолонгон жерде жазасын өтөп жаткан соттолуучуга тамак-аш жана сыналгы алып келди.
Бул сыналгынын ичинен текшерүү учурунда 14 уюлдук телефон табылып алынган. Бул факт КЖБРде катталган.
ЖАМК басма сөз кызматы
Сүрөт www