Ош шаарынын борбордук аянтында Баткен облусунда курман болгондорго куран окулду
Иш-чараны шаардын элдик штабы уюштурган
Ош шаарынын борбордук аянтында Баткен аймагында курман болгондорго куран окулду. Бул тууралуу шаардык мэриянын басма сөз кызматы билдирди.
Иш-чара муфтияттын уламалар кеңешинин төрагасы Абдышүкүр ажы Нурмаматов, Ош шаарынын вице-мэри Эмил Шадыханов жана шаардыктардын катышуусунда өттү.
Маалым болгондой, иш-чараны шаардын элдик штабы уюштурган.
Намаздан кийин келгендердин баарына ысык тамак берилди.
Кыргыз-тажик чек арасындагы жаңжалда 36 адам каза болду. 183 адам жаракат алган.
Өзгөчө кырдаалдар министрлигинин маалыматы боюнча, чек арага жакын жайгашкан айылдарда 107 үй, фельдшердик-акушердик пункт, мектептер, бала бакча, үч өткөрүү пункту, сегиз дүкөн жана он май куюучу жай талкаланган.
Сүрөт www
Бизди Телеграм каналыбыздан окуңуз