УКМК кызматкерлери 4 миллион сомдук аткезчиликти токтотту
Протоколдор катталгандан кийин кармалган айдоочулар жана жүк компетенттүү органдардын кызматкерлерине өткөрүлүп берилди
Чек ара кызматы менен УКМКнын кызматкерлери Баткен облусунун Чоң-Талаа аймагында биргелешкен атайын операция жүргүзүшүп, анын жүрүшүндө 4 миллион сомдон ашык контрабандалык жүктү мыйзамсыз алып өтүүнү токтотушту. Бул тууралуу УКМКнын басма сөз борбору билдирди.
Мерседес-Бенц Спринтер үлгүсүндөгү унаанын айдоочусу чек ара тозотунда чек арачылардын унааны токтотуу талабын аткарбастан, Баткен облусунун Кадамжай районуна чейин барууга аракет кылган.
Унаа чек ара постунан 10 чакырым алыстыкта кармалган. Транспортту текшерүү учурунда контрабандалык жүк - 2500 килограмм жүзүм табылган.
Мыйзамсыз жүктүн жалпы баасы 250 миң сомдун тегерегинде болгон. Мыйзамсыз жүк ташыганы үчүн Исфана шаарында туулган Кыргызстандын жараны А.К. кармалды.
7-августта Баткен облусунун Лейлек районунун Кольцо аймагында Hyundai-Porter жана Mercedes-Benz Sprinter унаалары кармалган, алардын айдоочулары Тажикстандан Кыргызстанга мыйзамсыз түрдө -29000 кутуча Rothmans тамекиси жана тиешелүү документтери жок дарыларды ташууга аракет кылган
Алдын ала маалыматтар боюнча, кармалган тамекинин баасы 2 370 000 сомдон ашык, дары -дармектер 1 000 000 сомдон ашык болгон.
Ошол эле күнү Кожобакырган каналынын боюндагы Арка-2 айылында Mercedes-Benz Sprinter унаалары кармалды, айдоочулар 2000 килограмм жүзүмдү, курулуш материалдарын жана жер семирткичтерди мыйзамсыз алып өтүүгө аракет кылган. Мыйзамсыз жүк ташыган Кыргызстандын Н.У. жана Д.О. жарандары кармалды.
Бир аздан кийин Баткен облусунун Кадамжай районунун Кызылжар аймагында чек арачы Өзбекстанда чыгарылган 934 куту идиш товары бар машинаны кармады.
Кечээ, 8-августта Баткен облусунун Баткен районуна караштуу Чоң-Талаа участкасындагы стационардык постто Кыргызстандын 1994-жылы туулган Б.М.у жараны башкарган Мерседес-Бенц 817 унаасы токтотулган. Унааны текшерүү учурунда Тажикстанда өндүрүлгөн 5000 килограмм штукатурка табылган. Айдоочунун гипске документтери болгон эмес.
Протоколдор катталгандан кийин кармалган айдоочулар жана жүктөр кошумча иликтөө үчүн компетенттүү органдардын кызматкерлерине өткөрүлүп берилген.
УКМКнын басма сөз борбору
Сүрөт www