Абрикос шылууну. Ысык-Көлдүн тургундарын 2,3 миллион сомго алдап кеткен жаран кармалды

Жети-Өгүз районунда шылуун жергиликтүү калкты 2 миллион сомдон ашык акчага алдап кеткен. Ал милиция кызматкерлери тарабынан кармалган. Бул тууралуу Ысык-Көл облусунун ички иштер башкармалыгынын басма сөз кызматы билдирди.

Жети-Өгүз районунун ички иштер бөлүмүнө Барскоон айылынын тургуну кайрылган, - деп айтылат министрликтин билдирүүсүндө. Ал жаран өз арызында августтун башында Али аттуу адам андан 575 килограмм өрүк сатып алганын, анын баасы 29 миң сомго бааланганын билдирген. Ал акчаны бир жуманын ичинде төлөп берем деп убада кылган, бирок бүгүнкү күнгө чейин төлөбөй, кайда жүргөнү белгисиз.

Маалым болгондой, арыз Жети-Өгүз районунун ички иштер башкармалыгында Жазык кодексинин 204-беренесине (алдамчылык) ылайык кылмыштардын жана жоруктардын бирдиктүү реестрине катталып, сотко чейинки өндүрүш иши башталган.

Бул кылмышка шектүү аныкталып, Кыргыз Республикасынын аймагынан чыгып кетүүгө аракет кылган 40 жаштагы Россиянын жараны М.М. болуп чыкты. Ал "Манас" аэропортунда өлкөдөн учуп кетүүгө аракет кылып жатканда кармалган.

Сотко чейинки өндүрүштүн алкагында тергөө кызматы шектүүнүн дагы 60 алдамчылык фактысына тиешеси бар экенин аныктады, башкача айтканда, райондун жашоочуларынан өрүктү жалпы суммасы 2,3 миллион сомго сатып алып, төлөбөй, дайынсыз жоголгон. Бардык жабырлануучулардан арыздар алынып, алар Жети-Өгүз районунун ички иштер башкармалыгынын кылмыштардын жана жоруктардын бирдиктүү реестрине катталган.

Сүрөт www