КР УКМКнын атайын даярдыктагы аскерлери ок атуу боюнча эл аралык турнирде байгелүү орундарга ээ болушту
Мелдешке Казакстан, Орусия, Германия жана Кыргызстандын спортчулары катышты
4-6-март күндөрү Казакстандын практикалык атуу ассоциациясы тапанча атуу боюнча “Almaty Open 2022” IV Республикалык Эл аралык турнирин уюштурду. Мелдешке Казакстан, Орусия, Германия жана Кыргызстандын спортчулары катышты.
Мелдештер мыкты аткычты аныктап, 13 көнүгүү боюнча күч сынашты. Мелдештин форматы ок атуучулардын жеке чеберчилигине жана объективдүү калыстыктын негизинде жеке жана командалык мелдеште, куралдын ар кандай класстары боюнча жеңүүчүлөрдү аныктоону камтыды.
Турнирдин жыйынтыгында Кыргызстандын Улуттук коопсуздук боюнча мамлекеттик комитетинин атайын багыттагы жоокерлери экинчи жана үчүнчү орундарга ээ болушту.
УКМК басма сөз борбору
Сүрөт www
Бизди Телеграм каналыбыздан окуңуз