Бүгүн АКШнын мамлекеттик катчысынын жардамчысы Кыргызстанга келди. КР ТИМ чоо-жайын ачыктабайт
Дональд Лу Өзбекстан, Тажикстан жана Казакстанга да барат
Бүгүн Кыргызстанга АКШнын мамлекеттик катчысынын Түштүк жана Борбор Азия боюнча жардамчысы Дональд Лу келди. Бул маалыматты Vesti.kg сайтына АКШнын Кыргызстандагы элчилигинен тастыкташты.
Дипломатиялык өкүлчүлүк Лу бүгүн айрым саясатчылар жана жарандык коомдун өкүлдөрү менен жолуккан соң Тажикстанга учканы жатканын кошумчалады.
АКШнын Мамлекеттик департаментинин сайтында АКШнын мамлекеттик катчысынын жардамчысы “АКШнын аймак менен мамилесин чыңдоо жана бирдиктүү, гүлдөп өнүккөн жана коопсуз Борбор Азияны куруу боюнча биргелешкен аракеттерди илгерилетүү үчүн” келгени айтылат.
Лудан тышкары делегациянын курамында АКШнын Коргоо министринин Ооганстан, Пакистан жана Борбор Азия боюнча орун басары Ребекка Циммерман, Эл аралык өнүктүрүү агенттигинин Азия бюросунун администраторунун жардамчысынын орун басары Анжали Каур, АКШнын Улуттук коопсуздук кеңешинин улук директору Анджали Каур бар. Орусия жана Борбор Азия боюнча Эрик Грин жана АКШнын Эл аралык каржылык өнүктүрүү корпорациясынын штаб башчысынын саясат маселелери боюнча орун басары Наз Эль-Хатиб.
Ал арада КР Тышкы иштер министрлигинин басма сөз кызматы Vesti.kg сайтына америкалык делегациянын иш сапарынын чоо-жайын ачыктаган жок жана алардын расмий пресс-релиздерин күтүүнү суранды.
Элдос Казыбеков
Сүрөт www