КРнын авиакомпаниясынын кызматкерлери аэропорттордун түркиялык компанияга өткөнүнө нааразы

Министрлер кабинети «Манас» жана «Ош» аэропортторун түркиялык компанияга өткөрүп берүү менен туура эмес чечим чыгарды. Мындай пикирин Vesti.kg сайтына авиация кызматкерлеринин профсоюзунун төрагасы Каныбек Калмурзаев билдирди.

- Эмне үчүн пайданын жарымын чет элдик компанияга берип жатканы түшүнүксүз? — деп таң калды ал. - Өткөн жылы “Манас” эл аралык аэропорту” ААК мамлекетке 4,5 миллиард сом киреше алып келген. Бул олуттуу сумма. Анын үстүнө өлкөдө ички аэропортторду реконструкциялоо иштери башталды. Манастын өзүндө көптөн бери квалификациялуу, тажрыйбалуу кадрлар иштеп келатат. Биз жаңы учактарды сатып алуунун үстүндө иштешибиз керек болчу - анда мындан да жакшы болмок. Өз алдынча биздин эл аралык аэропорттор бардык стандарттарга жооп берет. Ал эми жүк ташуу боюнча Манастын потенциалы чоң. Азыр анын 30 пайызы гана колдонулуп жатат.

Каныбек Калмурзаевич буга чейин министрлер кабинети аэропортторду сырттан башкаруу боюнча сынак өткөрүүнү убада кылганын кошумчалады. Бирок, акырында ал ишке ашкан жок.

«Түрк компаниясынын канчалык тез пайда болгондугу таң калыштуу», - деп улантты ал. - Министрлер кабинети шашылыш чечим кабыл алды деп эсептейм. Бул менин гана эмес, авиация тармагындагы көптөгөн кызматкерлердин пикири.

Түшүндүрө кетсек, Жогорку Кеңештин жалпы жыйынынын алдында депутат Жанар Акаев министрлер кабинетинин башчысы Акылбек Жапаровго аэропортторду иретке келтирүүнү суранган.

Өз кезегинде акыркысы министрлер кабинети түрк компаниясы менен сүйлөшүүлөрдү жүргүзүп жатат деп жооп берди.

«Эки жылдын ичинде бул компания Бишкек жана Ош шаарларындагы эки аэропортту реконструкциялоого 450 миллион долларга жакын инвестиция салат. Алар жаңы учуу тилкелерин, жаңы аэровокзалдарды жана жүк терминалын курат. Келишимге эки жуманын ичинде кол коюлат. Аэропортторду 50/50 башкарууну сунуштаганбыз, түшкөн пайда да ошондой бөлүштүрүлөт», - деп жыйынтыктады ал.

Сүрөт www