Саламаттыкты сактоо министрлигинин башчылыгына талапкер Алымкадыр Бейшеналиевдин реформасын улантуу ниетинде
Гүлнара Баатырова ооруканалардын башкы дарыгерлерине сынактык тандоо өткөрүүнү убада кылууда
Жогорку Кеңештин Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин регламенти боюнча комитети Гүлнара Баатырованы саламаттыкты сактоо министри кызматына дайындоо маселесин карады. Ал 3-сентябрдан бери Саламаттыкты сактоо министрлигинин башчысынын милдетин аткарып келет.
Талкуунун жүрүшүндө эл депутаттары Баатырованын бөлүмүндө биринчи кезекте кайсыл тармак менен алектенүүнү көздөп жатканын сурашты.
Министрликке талапкер Алымкадыр Бейшеналиев баштаган реформаларды аягына чыгарам деп жооп берди.
«Мен реформаларды аягына чейин көрөм. Медициналык мекемелерде бийликтин бирдиктүү вертикалы болушу керек деп эсептейм. Мындан тышкары, учурда кургак учук менен ооругандарды үй-бүлөлүк дарыгерлер карап жаткандыктан, Улуттук фтизиатрия борборун жоюуну колдойм. Бул үчүн өзүнчө имараттарды кармоо акылга сыйбаган нерсе », - деп түшүндүрдү ал.
Гүлнара Баатырова жергиликтүү деңгээлде сапаттуу медициналык кызмат көрсөтүүнү өнүктүрүү жана кадрлардын жетишсиздигин чечүү керектигин кошумчалады.
«Ооруканаларда ондогон жылдар бою кызматта иштеген жетекчилер бар. Ооруканалардын башкы дарыгерлерине Билим берүү министрлиги кандай болсо, ошондой сынак, тестирлөө өткөрүү зарыл. Долбоор даяр, сентябрь айында сынак жарыялайбыз», - деп жыйынтыктады ал.
Жыйынтыгында комитет мүчөлөрү анын талапкерлигин колдошту. Дайындоо маселеси парламенттин кийинки жалпы жыйынында каралат.
Сүрөт www