Кыргызстандын ТИМи грузин кесиптешине Тажикстандын агрессиясы тууралуу айтып берди
Жээнбек Кулубаев КРнын чек арадагы кырдаалды деэскалациялоо боюнча милдеттенмесин дагы бир жолу билдирди
Нью-Йоркто өтүп жаткан БУУнун Башкы Ассамблеясынын 77-сессиясынын алкагында, бир күн мурун, 22-сентябрда Кыргызстандын тышкы иштер министри Жээнбек Кулубаев Грузиянын тышкы иштер министри Илья Дарчиашвили менен эки тараптуу жолугушуу өткөрдү.
Жолугушууда тараптар Кыргыз Республикасы менен Грузиянын ортосундагы кызматташуунун актуалдуу маселелерин талкуулашты.
Тышкы иштер органдарынын жетекчилери пикир алмашып, саясий, дипломатиялык, соода-экономикалык, социалдык-гуманитардык жана башка тармактарда эки тараптуу мамилелерди активдештирүү боюнча конкреттүү кадамдарды белгилешти. Жогорку деңгээлдеги өз ара сапарларды уюштуруу пландары талкууланды.
Тараптар кыргыз-грузин мамилелерин кеңейтүү жана ар тараптуу тереңдетүү үчүн биргелешип иштөөгө өз ара жана бекем ниеттерин билдиришти.
Жолугушууда Кулубаев ошондой эле маектешине кыргыз-тажик чек арасындагы акыркы окуялар тууралуу маалымат берип, Кыргызстандын деэскалацияга умтулуусун жана талаштуу маселелерди саясий-дипломатиялык ыкмалар менен гана чечүү боюнча өзгөрүүсүз позициясын баса белгиледи.
КРнын ТИМ маалымат департаменти
Сүрөт www