Бириккен демократиялык кыймыл Камчыбек Ташиевди кызматтан бошотуп, жоопкерчиликке тартууну талап кылууда
БДК УКМКнын башчысынын макулдашылбаган, популисттик билдирүүлөрү Тажикстандын чабуулуна түрттү деп ишенет
Бириккен демократиялык кыймыл кыргыз-тажик мамилеси боюнча кайрылуу жасады.
«Камчыбек Ташиевдин УКМКнын башчысы жана мамлекеттик чек ара комиссиясынын башчысы болуп турганда кол койгон акыркы протоколдор коомчулукту дүрбөлөңгө салып, элибиздин кооптонуусун арттырды.
Төрт чек ара заставасынын алынышы баткендик мекендештерибизди коргоосуз калтырды. Тынчсызданган элибиз азыркы бийликке катуу талаптарды койду. БДК тилектеш жана элдин талаптарын толук колдойт.
Эки жылдын ичинде Кыргызстанга кошуна мамлекет эки жолу кол салган. Камчыбек Ташиев бул кызматка дайындалгандан бери чек ара маселесиндеги компетентсиз, ойлонулбаган чечимдери менен өлкөнү кыйын абалга алып келип, улуттук кызыкчылыкты коргой алган жок. Камчыбек Ташиевдин ыраатсыз, популисттик билдирүүлөрү жана чечимдери, ачык-айкындуулуктун жоктугу коңшу мамлекеттин куралдуу күчтөрүнүн чабуулуна түртүп, анын кесепетинен 100гө жакын карапайым жарандарыбыз жана жоокерлерибиз курман болуп, миңдеген адамдар курман болгон. жарадар болушкан. Жүз миңдеген жарандарыбыз качкынга айланды, миңдеген жарандарыбыз үй-жайынан ажырады. Ондогон мамлекеттик имараттар, мектептер, бала бакчалар, соода борборлору талкаланган. Мекендештерибизге, мамлекетке миллиарддаган сом зыян келтирилген.
Бул тууралуу КР президенти БУУнун Башкы ассамблеясынын жыйынында объективдүү маалымат берип, коңшу мамлекетти агрессор деп атады.
Эгемендүүлүктүн 30 жылында өлкөбүз азыркыдай оор кырдаалга туш болгон эмес.
Ташиев кол койгон кабыл алынган чечимдер жана документтер КР Президентинин БУУдагы позициясына карама-каршы келет.
Жогорудагы фактыларга таянып, элдин талабын колдоп, Кыргыз Республикасынын Президентинен Камчыбек Ташиевди тез арада кызматтан алып, кылмыш жоопкерчилигине тартууну талап кылабыз.
Бириккен демократиялык кыймыл
сүрөт www