Оозду жабуунун кереги жок. Илья Варламов өз кайрылуусунда кыргыз элинин сынына жооп берди (фото)

Кыргызстанда жүргөн белгилүү орусиялык блогер Илья Варламов өзүнүн Instagram баракчасына аны сындап, этиканы сактоону сурангандар тууралуу пост жарыялады.

«Сүйүктүү Кыргызстандын айрым жигиттери кээде сынга нааразы болушуп, «сен барасың, өзүн коноктой алып жүр!» деген форматта кыжырданган билдирүүлөрдү жазышат.

Мен бүгүн дал ошолорго кайрылгым келет.

Биринчиден, конок болуу деген эмне экенин аныктап алалы. Сиз өлкөгө бара албайсыз. Маселен, мени Кыргызстанга эч ким чакырган жок. Өзүм учакка билет алып, өзүмө мейманкана ижарага алдым. Түздөн-түз “конок” деп жазгандардын эч кимиси мени гүл,  бешбармак менен тосуп алышкан жок, мен бирөөгө карыз эмесмин.

Анын үстүнө сиздин керемет өлкөңүзгө келген адамдарга конок катары эмес, кардар катары мамиле кылуу керек. Алар, баары бир, акча коротуп, кызматыңыздан пайдалануу үчүн келишет. Ал эми кардар ар дайым туура болот.

Ооба, мен туристмин, мен саякатчымын жана Кыргызстанга келген кардармын. Ал эми кардар катары тейлөөгө, экологияга, транспортко, архитектурага нааразы болууга толук укугум бар. Анан бирөө: “Эгер жакпаса, кет!” деп айткысы келет.

Мыкты. Мындай деп айтууга болот. Бул деградациянын ишенимдүү жолу. Бизнес аналогиясын тартуу үчүн, өлкө чоң ресторан деп элестетиңиз. Аракет кыласың, өнүктүрөсүң, анан кардарлар келип, бир нерсеге нааразы болуп калышат. Ар бир нааразы болгон адамды кууп чыгып, “бергенин же” десең, рестораның бат эле өлөт. Кардарга эмне жакпай жатканын угуп, аны оңдоого аракет кылуу алда канча баалуу. Сынды өлкөгө акаарат кылуу аракети катары эмес, белек катары караш керек (мындай китеп да бар, окугула).

Сын жана сырттан кароо өнүгүүгө жана жакшыраак болууга жардам берет.

Ал эми бүгүн Орусиядан Кыргызстанга көп адамдар келип турганда, алардын оозун жабуунун кереги жок. Тескерисинче, уккула, эмне туура эмес, кайсы кызматтар жетишпей жатат, эмнени жакшыртса болорун билгиле. Мындай мамиледен өлкө гана пайда табат деп ишенем».

Сүрөт www