Чыңгыз Айдарбеков ЖКнын тиешелүү комитетинин төрагалыгынан алынды
43 депутат кесиптешине каршы чыкты
Бүгүн Жогорку Кеңештин жыйынында депутаттар Чыңгыз Айдарбековду Жогорку Кеңештин Эл аралык иштер, коргоо, коопсуздук жана миграция боюнча комитетинин төрагалыгынан чакыртып алуу боюнча токтом долбооруна добуш беришти.
Добуш берүүнүн жыйынтыгында 43 депутат Айдарбековду профилдик комитеттин төрагалыгынан кетирүүгө макул болду. Мындай чечимге 16 депутат каршы добуш берди.
Ал арада парламентарий Сүйүнбек Өмүрзаков добуш берүү процедурасынан кийин вице-спикер Нурбек Сыдыгалиевге каршы добуш бергенин, бирок компьютер "макул" деп көрсөткөнүн айтты. Анан протоколго өзгөртүү киргизүүнү суранды.
Эске салсак, Чыңгыз Айдарбеков депутаттардын коллегиалдуу чечимине кол коюудан баш тарткан, тактап айтканда, Кемпир-Абад суу сактагычын Өзбекстанга берүү каралган.
Ислам Жолдошов
сүрөт www