Атамбаев оппозициячылардын камалышы боюнча: Аларды тезинен бошотуп, кечирим сурагыла

Экс-президент Алмазбек Атамбаев Кемпир-Абад суу сактагычын Өзбекстанга берүү маселеси боюнча сөз сүйлөдү.

Социалдык тармактарда жарыяланган мурдагы мамлекет башчынын кайрылуусунун толук тексти:

«Мен президент Жапаровдун кыргыз-өзбек чек арасындагы калган тилкелерди тез арада делимитациялоо боюнча каалоосун түшүнөм.

Бирок чек ара маселеси олуттуу стратегиялык мамилени, иш-аракетте ырааттуулукту, сөздө тең салмактуулукту жана кылдат даярдыкты талап кылат. Бул талаптарга кайдыгер мамиле кылуу жана Тажикстан менен алакадагы шашмалык кандай трагедияга алып келгенин көрүп жатабыз. Дагы бир маанилүү эреже: чек араларды делимитациялоо жана демаркациялоо ар дайым азаптуу процесс, элдин басымдуу бөлүгү бийликке ишенген, өз президентине жана өкмөтүнө ишенген кырдаалда гана аларды чечүүгө чекит коюуга болот. Бул бүгүн көрүнбөйт.

Убагында Өзбекстан менен 1378 чакырымдын 1170 чакырымын же талаштуу тилкелердин 85%ын макулдашканбыз, бирок мунун баары ачык-айкын, эксперттер жана жергиликтүү тургундардын катышуусунда өттү.

Эми болсо ЖККнын профилдик комитетинин төрагасы да келишимге кол коюудан баш тартты. Бул бир нерсе туура эмес экенин билдирет, демек, биринчи кезекте элдин ишенимин кайтаруу керек. Саясий жана граждандык оппоненттерди кылмыштуу куугунтуктоо токтотулсун. Укук коргоочуларды жана журналисттерди, өзгөчө аялдарды массалык түрдө камакка алуу – бул логикага таптакыр каршы келет! Башка аргументтер жок, чындыктан корккондо ушундай кылышат. Биз камалгандарды дароо бошотуп, алардан кечирим сурашыбыз керек. Жергиликтүү элге, оппозицияга, активисттерге, журналисттерге шашылыш кадамдардан коргогусу келгени үчүн рахмат.

Кемпир-Абад суу сактагычы боюнча чечим кабыл алуу мөөнөтүн кийинкиге жылдыруу бүгүнкү күндүн эң жакшы варианты болмок. Адамдарга бардык нерсени документтерге таянып акырындык менен талкуулоого жана баалоого мүмкүнчүлүк берүү. Президент Мирзиёев бул кечиктирүүнү түшүнөт. Ал акылман, элибиздин досу.

Анткени, кеп өлкөдө тынчтык жана стабилдүүлүк, Кыргыз Республикасынын улуттук кызыкчылыгы жөнүндө болуп жатат! Эң оорулуусу жана эң курчу жөнүндө: ата-бабаларыбыздан калган жер-суу жөнүндө. Бул үчүн алар кан төгүп, жанын беришкен. Бул биз өсүп келе жаткан муундун көзүнө кантип карай алабыз, эмнени мурас катары калтырабыз», - деди.

Сүрөт www