Орусияда кыргызстандык аял баштык таап алганы үчүн соттолду. Ээсинин айтымында, 7 миллион рубль болгон

Новосибирск шаарынын Октябрь райондук соту 27-октябрда Кыргыз Республикасынын жараны А.Борбиеваны 2 жыл 6 айга эркинен ажыратуу менен түзөтүү колониясында өтөө тууралуу өкүм чыгарды.

Маалымат үчүн: КР жараны  Россия Федерациясынын Кылмыш-жаза кодексинин 158-ст 4-бөлүмүнүн «б» пунктунда каралган кылмышты жасаган деп айыпталган. 2021-жылдын 4-ноябрында эртең менен Борбиева жумушка баратканда сумка таап алган, кийинчерээк ал Новосибирск шаарынын тургундарынын бирине таандык экени, сумканын ичинде 7 миллион рубль бар экенин билдирген. Тергөө жана соттук териштирүүдө КР жараны баштыктын ичинде жаздык кап, бет кап, калем жана флеш-картадан башка эч нерсе жок экенин көрсөтүп, күнөөсүн мойнуна алган эмес.

Кыргыз Республикасынын жараны А.Борбиева кармалган учурдан тартып Кыргыз Республикасынын Башкы консулдугунун кызматкерлери аны менен дайыма байланышта болуп, анын күйөөсүнө жана жактоочуларына консультацияларды жана башка практикалык жардамдарды берип, тартипти камсыздоонун алкагында айыпталуучулардын укуктарын коргоо, алар бул иш боюнча бардык сот заседаниелерине тузден-туз катышты.

Жогорудагы КР жаранына карата сот өндүрүшүнүн жүрүшүндө Башкы консулдук Новосибирск шаарынын Октябрь райондук сотуна Борбиеванын баш коргоо чарасын эркинен ажыратуу менен байланышпаган баш коргоо чарасына өзгөртүү өтүнүчү менен кайрылган. Ошону менен бирге, Кыргыз Республикасынын жараны Борбиеванын камакта кармоо мөөнөтүн узартуу боюнча Октябрь райондук сотунун чечимине каршы Новосибирск облустук сотуна даттанууга көмөк көрсөтүлдү.

Мындан тышкары, дипломаттар Новосибирск шаарындагы 1-СИЗОдо Борбиева менен жолугушуу өткөрүшүп, өз каражаттарынан тамак-аш жана дары-дармек түрүндө жардам көрсөтүштү,  СИЗО-1дин Noвосибирск шаарындагы жаранды кармоо шарттары боюнча сүйлөшүүлөрдү жүргүзүштү. Кыргыз Республикасына жана анын депрессияга түшкөн психологиялык абалын эске алуу менен ага карата кылдаттык менен мамиле кылуу.

Учурда Башкы консулдук адвокаттар менен биргеликте Новосибирск облустук сотуна апелляциялык арыз жазуу боюнча иш алып барууда.

КРнын ТИМ маалымат департаменти
Сүрөт www