Монополияга каршы жөнгө салуу боюнча мамлекет башчысы Кеңешбай Тайлаков Yandex Go компаниясынын өкүлдөрү менен жолугушту

КР МЭК алдындагы Монополияга каршы жөнгө салуу кызматынын төрагасы Кеңешбай Тайлаков жана башкармалыктын эксперттери Яндекс Go компаниясынын өкүлдөрү – Эл аралык рыноктордо мамлекеттик байланыштар боюнча директору – Е.Шумилов, КМШ өлкөлөрүнүн рынокторундагы ишмердүүлүктү укуктук камсыздоо бөлүмүнүн башчысы – А. Завьялова, санариптик платформаларды жөнгө салуу тобунун жетекчиси – М.Воронин.

Жолугушуунун жүрүшүндө Yandex Go өкүлдөрү платформанын принциптери жана Кыргызстанда сервисти өнүктүрүү пландары тууралуу айтып беришти.

Тайлаков Кыргыз Республикасынын монополияга каршы мыйзамдарын жана керектөөчүлөрдүн укуктарын коргоо боюнча мыйзамдарын бузууга жол бербөө максатында тыгыз кызматташуу зарылдыгын белгиледи.

Бул жолугушуунун алкагында керектөөчүлөрдүн укугун коргоо, көйгөйлөр жана керектөөчүлөрдүн укугун коргоого салым кошо турган мүмкүн болгон чечимдер талкууланды.

Учурда Кызмат Кыргыз Республикасындагы жүргүнчүлөрдү жеңил автоунаалар (такси) менен ташуу рыногундагы кырдаалга талдоо жүргүзүүдө, анын натыйжасында монополияга каршы аракеттенүүнүн оптималдуу ыкмалары иштелип чыгат.

Бул тууралуу Монополияга каршы мамлекеттик кызматынын басма сөз кызматы билдирди