Токтогулкадагы балык чарбасын өнүктүрүү боюнча депутат: Тилекке каршы, Айыл чарба министрлигинде түшүнбөстүктөр болуп жатат

Бүгүн Жогорку Кеңештин жыйынында депутат Кундузбек Сулайманов Токтогул районундагы балык чарбасынын маселесин чечип берүү өтүнүчү менен президенттин Жогорку Кеңештеги өкүлү Алмас Абытовго кайрылды.

«Токтогул суу сактагычынын акваториясында балык өндүрүүнү жолго коюуга мүмкүнчүлүк бар, анын продукциясы бүткүл дүйнөгө экспорттолот», - деди ал. «Бирок биз балык этинин сапатына кепилдик беришибиз керек, ал үчүн өндүрүш процессинин бардык чынжырын көзөмөлдөө керек. Балык кайра иштетүүчү заводго, суунун абалын, балык тоютунун сапатын талдоочу лабораторияларга жана башка көптөгөн нерселерге инвестиция салууга даяр инвестор бар. Тилекке каршы, Айыл чарба министрлиги тарабынан бир аз түшүнбөстүк бар. Алар суу сактагычтын акваториясын беш уюмдун ортосунда бөлүштүрүүнү каалашат. Буга эч ким каршы эмес, ошол уюмдарды гана жеке инвестор ишке киргизгиси келген компания көзөмөлдөшү керек. Бул продукциянын жогорку сапатын сактоого жардам берет. Айыл чарба министрлиги менен бул маселени чечүүгө жардам берүүңүздөрдү суранам.

Ислам Жолдошов
сүрөт www