Касым-Жомарт Токаев: ЕАЭБдеги инфляция жарандардын сатып алуу жөндөмдүүлүгүнө жана социалдык бакубаттуулугуна олуттуу таасирин тийгизүүдө
Казакстандын президенти Евразия биримдигинин өлкөлөрүнүн ички потенциалын жана жаңы тышкы рынокторду өнүктүрүүгө көңүл бурууга чакырды
ЕАЭБдеги инфляция жарандардын сатып алуу жөндөмдүүлүгүнө жана социалдык бакубаттуулугуна олуттуу таасирин тийгизет. Бул тууралуу Казакстандын президенти Касым-Жомарт Токаев ЕАЭБ мамлекет башчыларынын Бишкекте өтүп жаткан саммитинде билдирди.
- Эл аралык уюмдардын прогноздору өкүнүчтүү, - деп белгиледи ал. - Эл аралык валюта кору 2023-жылга карата дүйнөлүк экономиканын өсүү болжолун 2,7%, Дүйнөлүк соода уюму 1% чейин төмөндөттү. Ал эми Евразия экономикалык комиссиясынын маалыматы боюнча, ЕАЭБ өлкөлөрүндө керектөө бааларынын өсүшү уланууда. Октябрь айында Биримдиктин ичинде инфляция 11,5% түздү. Анын негизги өсүшү азык-түлүк жана азык-түлүк эмес товарларга туура келет. Мунун баары биздин жарандардын сатып алуу жөндөмдүүлүгүнө жана социалдык бакубаттуулугуна олуттуу таасирин тийгизет.
Ошондуктан, Токаевдин айтымында, жаңы тышкы рынокторго көңүл буруу жана соода өнөктөштөр менен өз ара аракеттенүүнүн сапатын жогорулатуу зарыл.
- Бул жерде артыкчылыктуу келишимдер түзүлгөн өнөктөштөргө басым жасоо зарыл, - деди ал. - Кеп Вьетнам, Сербия жана Иран жөнүндө болуп жатат. Индия, Египет, Индонезия жана Израил менен эркин соода зонасы боюнча келишимдерди тузуу боюнча ишти тездетуу маанилуу. Бул тууралуу мен биринчи жолу айтып жаткан жокмун жана бул ишти биргелешкен аракеттер менен улантуу албетте максатка ылайыктуу.
Токаев Бириккен Араб Эмираттары менен эркин соода аймагы боюнча келишим боюнча сүйлөшүүлөрдүн жыйынтыгын оң белгиледи.
«Мен бул демилгени абдан келечектүү жана бүткүл евразиялык бештиктин кызыкчылыктарына шайкеш келет деп эсептейм», - деп баса белгиледи ал. - Эми бул процессти кечеңдетпөө керек.
Михаил Готфрид
Сүрөт www