Кыргызстандын Экономика жана соода министрлиги биринчилерден болуп унааларын камсыздандырды
Автотранспорт каражаттарынын жоопкерчилигин милдеттүү камсыздандыруу аркасында кырсыктын күнөөкөрү өз чөнтөгүнөн төлөбөйт, ал эми жабырлануучу оңдоп-түзөө үчүн акча талап кылбайт
Автоунаалардын ээлеринин өздөрүнүн укуктарын жана кызыкчылыктарын камсыз кылуу максатында «Автотранспорт каражаттарынын ээлеринин жарандык жоопкерчилигин милдеттүү камсыздандыруу жөнүндө» Мыйзамдын талаптарын сактоонун маанилүүлүгүнө жана зарылдыгына коомчулуктун көңүлүн буруу максатында Экономика жана соода министрлиги Кыргыз Республикасынын жарандары биринчилерден болуп автоунааларын камсыздандырышты.
Ошентип, министрлик үстүбүздөгү жылдын 29-декабрында министрликтин балансында турган эки автоунааны камсыздандырды.
"Автотранспорт каражаттарынын жоопкерчилигин милдеттүү камсыздандыруу бардык өлкөлөрдө транспорт каражаттарынын ээлери келтирген зыяндын ордун толтуруу үчүн каржылык кепилдиктерди түзүүгө багытталган социалдык чара жана жол кыймылынын коопсуздугун жогорулатуунун каржылык куралы катары киргизилген".
Министрлик Автотранспорт каражаттарынын жоопкерчилигин милдеттүү камсыздандыруу саясатынын ээсине берген артыкчылыктарын эске салды. Алардын арасында: келтирилген зыяндын ордун жабуу, кырсыктын күнөөкөрү аны өз чөнтөгүнөн төлөбөйт, жабырлануучу унааны оңдоого каражатты жеке өзү талап кылбайт. Мунун баарын камсыздандыруу компаниясы чечет.
«Камсыздандыруу полисинин жоктугу каржылык кыйынчылыктарга жана жабырлануучу тараптын жол кырсыгынын күнөөкөрү менен соттук териштирүүлөрүнүн узакка созулушуна алып келет жана мындай кырдаалда камсыздандыруу уюму келтирилген зыяндын ордун толтуруу менен бул талашты чече алат», - деп белгиледи министрлик. Мамлекеттик жана муниципалдык кызматкерлер, ошондой эле жарандык коом да ээрчишсин.
КРнын Экономика министрлигинин басма сөз кызматы
Сүрөт www