Балбак Түлөбаев: Биз депутаттык комиссияларды түзөбүз, бирок жыйынтык жок. Эл алдында уят
Дагы бир депутат Улугбек Ормонов парламентте такыр жаңы комиссия түзбөөгө чакырды
Бүгүн Жогорку Кеңештин жыйынында депутат Балбак Түлөбаев кесиптештерин депутаттык комиссияларды түзүүдө этият болууга чакырды.
«Биз канча депутаттык комиссия түздүк, бирок алардын ишинин жыйынтыгы жок», - деп кесиптештерине кайрылды. — Кумтөрдүн ишмердүүлүгүн текшерүү үчүн комиссия түзүшкөн. Исхак Масалиев депутаттык комиссиянын төрагалыгынан кетти, анын ордуна башкасын шайлай алган жокпуз. Ошентип бардык иш токтоп калды. Биз түзөбүз, бирок жыйынтык жок. Элдин алдында уят. Андыктан жаңысын жаратууда этият болууга чакырам.
Мирлан Самойкожо ага макул болгон жок.
- Эмне үчүн депутаттык комиссиялардын ишинин жыйынтыгы жок деп айтып жатасыз? — деп каршы чыкты эл депутаты. — Мисалы, биздин комиссия Евробиримдиктен келген 22 миллион евронун максаттуу пайдаланылышын текшерип, таштанды төгүүчү жай маселесин чечип жаткан. Баарын текшерип, Жогорку Кеңешке билдирдик.
Өз кезегинде депутат Улугбек Ормонов жаңы комиссияларды таптакыр түзбөөнү сунуштады.
«Комиссиялар түзүлүп жатканына баарыбыз күбөбүз, бирок жыйынтык жок», - деди ал. - Ошондуктан мурдагы комиссиялар отчет бермейинче жаңыларын түзбөөнү сунуштайм.
Ислам Жолдошов
сүрөт www