Эрбол Султанбаев: Садыр Жапаровдун жалгыз максаты - Раззаков маалынан бери келе жаткан мурдагы мамлекет башчыларды жамандамай адатты бузуу болгон
Өлкө башысынын басма сөз катчысы мурдагы президенттердин жолугушуусу тууралуу үн катты
Садыр Жапаровдун басма сөз катчысы Дубайда орун алган Кыргызстандын мурдагы президенттеринин жолугушуусу тууралуу Фейбсук баракчасында түшүндүрмө берди.
- Акыркы окуяларга жана коомчулуктагы ар кандай талкууларга байланыштуу төмөндөгүлөрдү тактап кетким келет.
Президент Жапаров өз кайрылуусунда мурунку президенттердин эч бири менен жеке кызыкчылыгы, кастыгы же милдеттенмеси жок экенин так айтты.
Анын негизги максаты – чыныгы улуттук консолидация, кыргыз мамлекетинин өнүгүүсү үчүн биригүү.
Өлкөнүн бардык жетекчилеринин кемчиликтери бар. Эл аларды жакшы билет. Ошону менен бирге жакшы жактарын да эстен чыгарбайлы.
Эгер Алмазбек Атамбаев тууралуу айта турган болсок, биз ал башкарган убакытта позитивдүү учурлар дагы болгонун унутпашыбыз керек.
Тилекке каршы, учурда коомчулук арасында жана социалдык түйүндөрдө мурдагы президенттердин, учурдагы бийликтин жана башкалардын тарапкерлеринин ортосунда талаш-тартыш уланууда.
Буга байланыштуу бардык тараптарды өз күчү менен энергиясын өз ара мамиле териштирүүгө эмес, Мекенибиздин бакубаттуулугу үчүн жаратмандыкка багыттоого чакыргым келет.
Президент Жапаров Исхак Раззаковдун убагынан бери келе жаткан – өлкөнүн бардык кийинки жетекчилери жаман нерселердин баарын өзүнөн мурункуларга жабыштырган адатты бузуп салгысы келет.
Бул президенттердин жолугушуусунун негизги максаты болгон жана анын мындан башка жашыруун мааниси жок, - деп жазган Султанбаев.
фото www