Ташиев: Мамлекет башчы футболго жакшы көңүл бурууда

УКМКнын төрагасы Камчыбек Ташиев кечээ, 13-ноябрда Кыргыз футбол союзунун (КФС) жетекчилиги жана өлкө клубдарынын өкүлдөрү менен жолукканын КФСнин басма сөз кызматы билдирди. Мекемеден билдиришкендей, жолугушууда жергиликтүү футболдун учурдагы көйгөйлөрү жана келечеги талкууланды.

Ташиев футбол спорттун башка түрлөрү менен кадар өлкөнүн кадыр-баркын көтөрө турганын белгилеп, өзү жана президент Садыр Жапаров дагы ага чоң көңүл буруп жатканын айтты.

УКМК төрагасы ошондой эле, жергиликтүү чемпионаттарды байма-бай уюштуруу эл аралык турнирлерде жакшы көрсөткүчтөргө жетүүгө шарт түзөрүн кошумчалады.

Мындан сырткары, ал клуб жетекчилерин өз ара кызматташууга, таза атаандаштыкка чакырып, өлкө жетекчилиги футбол инфраструктурасын жакшыртууга, жаңы стадиондор менен талаалардын курулушуна каражат бөлөрүн убадалады.

Фото www