Мелис Турганбаев Бишкек ШИИБ жетектөөгө даяр экендигин азыр чече элек
Экс-ички иштер министри – анын талапкерлиги ИИМдин Бишкек шаардык башкармалыгын жетектөөгө каралып жатканы тууралуу имиштерге жооп кылды
Бишкек ШИИБ жеткчилик кызматына ИИМдин экс-министри Мелис Турганбаев каралып жатканын жергиликтүү ЖМКлар билдирет.
Айта кетсек, ИИМдин экс-башчысы бул кызматты аркалоого алдын ала макул болгонун билдирген. Бирок Мелис Турганбаев өзү бул маалыматты Vesti.kg сайты менен болгон маекте четке какты.
- Мындай маалыматты биринчи жолу угуп жатам, – деди ал. – Деги эле бул сыяктуу сүйлөшүүлөр мени менен болгон да эмес.
Биздин - эгер сизге ушундай сунуш түшсө, борбор шаардык ИИБди башкарууга даярсызбы, деген сурообузга экс-министр жооп берээр алдында бир аз токтоло түштү.
- Азырынча бул тууралуу ойлоно элекмин. Ошондуктан эч нерсе айта албайм, - деп кошумчалады Мелис Турганбаев.
Бакыт Стамов
Фото www