Сергей Лавров: Кыргызстанда пайда болчу экинчи аскердик база азырынча талкуулана элек
Орусия Федерациясынын жана Кыргыз Республикасынын тышкы саясат мекемелери эмне тууралуу сүйлөшүшкөндөрү белгилүү болду
Кыргызстанда дагы бир экинчи базаны ачуу маселеси тышкы иштер министри Чыңгыз Айдарбеков менен Сергей Лавровдун жоолугушуусунда талкууланган жок. Бул тууралуу журналисттерге Орусиянын тышкы иштер мекемесинин башчысы Сергей Лавров айтып берди.
- Бул маселе боюнча бизге демилге келип түшкөн жок, - деп белгиледи министр.
Өз кезегинде Кыргыз Республикасынын ТИМ башчысы да кошумча аскердик база тууралуу маселе талкууланбагандыгын белгиледи.
Жоолугушууда биз эки өлкөнүн маданий жана соода мамилелерин чыңдоону сүйлөштүк, - деп түшүндүрдү ал.
Андан сырткары, Путиндин жазында келчү сапары тууралуу кызуу талкуу жүрүп жатат бүгүнкү күндө.
Вероника Малышева
Сүрөт www