Икрамидин Айткулов Кашкар Жунушалиевке карата Башкы прокуратурага арыз жазат 

Ички иштер министринин жетекчисинин мурдагы орун басары Курсан Асановдун жактоочусу - Икрамидин Айткулов  Башкы прокуратурага ички иштер министри Кашкар Жунушалиевге карата чара көрүү өтүнүчү менен кайрылат. Бул тууралу ал өзү Vesti.kg сайты менен аңгемелешүүсүндө айтып берди. 

Анын айтымында, аны 2019-жылдын 22-августунда укук коргоо органдары Бишкектеги убактылуу кармоочу жайга киргизишип, мыйзамсыз камакка алышкан. 

- Мени тергөө кызматы тарабынан кетирилген каталарга карата арыз жазууга мажбурлашты, - деди Айткулов. - Мени эч кандай негизсиз кармашты жана камакка алышты. Мага коюлган айыптар - иштин материалдарына дал келбейт. Ошол эле жерден ишти сотко ашырганга аракеттер болду, арийне, мында менин өтүнүчүм эске алынган жок.

Мындан тышкары, тергөө иш-чараларынын кээ бир учурларда түнкү маалда өткөрүлгөндүгүнө Айткулов түшүнбөгөндүгүн билдирет. 

- Тергөө аракеттери көпчүлүк учурларда түнкү убакытта өткөрүлөт, - деп белгиледи ал. - Эгерде аябай керектелбесе, тергөө аракеттеринин түнкү маалда жүргүзүүнүн кереги барбы? Мисалга, өткөн жуманын аягында саат 16:00дө ШИИББнын учурдагы кызматкерлерине байланыштуу, мен жабырлануучуларды жактаган  Свердлов райондук сотунда сот процесси болушу керек эле. Иштин материалдары менен таанышыш керек дешип, мени ал жакка киргизишти. Алар мени бир жарым саатка кое беришсе болмок да.  

Юрист, тергөөчүлөр Кашкар Жунушалиевдин көрсөтмөсү менен аракеттенип жатышкандыгына толук ишенет жана  анын иши министрдин мурдагы орун басары Курсан Асановдун кызыкчылыктарын коргогондугу менен түздөн-түз байланыштуу экендигине ынанат. 

- Менин оюмча, ушул мыйзамсыз аракеттердин баары Кашкар Жунушалиевдин жетекчилиги менен болуп жатат, - деп божомолдойт Айткулов. - Аталган учурда ал кызмат абалынан кыянаттык менен пайдаланууда. 

Эсиңиздерге салсак, белгилүү жактоочу Икрамидин Айткулов алдамчылыкка шектелип убактылуу кармоочу жайга киргизилген, бирок, кийинчерээк үй камагына бошотулган. Бишкек шаардык ички иштер башкы башкармалыгы, аларга Айткулов жөнсүз эле 5 500 долларды өзүнө ыйгарып алгандыгы тууралу бир киши арыз менен кайрылгандыгын көрсөткөн.  

22-августа Айткуловго (Алдамчылык) 204-беренесинин 2-бөлүгү боюнча кылмыш жасагандыгы тууралу  билдирүүнү тапшырышкан. 

Эльдос Казыбеков

Фото www