ЖК депутаттары Бишкекти каптаган кара ыш көйгөйүн талкуулап жатып мушташа жаздашты (видео)

Жогорку Кеңештин пленардык жыйынында депутаттар Бишкекти каптаган караш кыш маселесин кароо керектиги жөнүндө талашыша кетишти. «Бишкек шаарындагы абанын булганышын азайтуу чаралары жөнүндө» токтомдун долбоорунун демилгечиси - эл өкүлү Марлен Маматалиев эле, бирок, профилдик комитеттин башчысы Кожобек Рыспаев документ комитет тарабынан азырынча карала электигин, бул регламент тартибин бузарын айтып жооп берди.

Маматалиев буга парламент бул маселени карагыча жаз келерин эскертти.

- Силердин балдарыңар ушул аба менен дем алып анан оорушат, - деп кайрылды ал кесиптештерине.

Токтом долбоорунун демилгечисин депутат Тазабек Икрамов да колдоп чыкты.

- Бишкекте азыр эң маанилүү тема экология маселеси болууда, аны караш керек, - деп ал депутаттарга кайрылды.

Талкуу учурунда эл өкүлдөрү Тазабек Икрамов менен и Экмат Байбакпаев кайым айтышып кетип, аз жерден мушташып кете жаздашты. Аларды арачага түшкөн кесиптештери токтотуп калышкан.

Вероника Малышева

Медина Купсулдаева

Фото www