Раушан Айткулова: Change.org сайтынын жабылышы президенттин коомдук пикирден канчалык коркорун көрсөтүп койду
Импичмент үчүн петициянын автору муну сөз эркиндигине кол салуу катары эсептейт
Президент Сооронбай Жээнбековго онлайн-петиция жарыйланган Change.org сайтынын жабылышы президенттин коомдук пикирден канчалык коркорун көрсөтүп койду. Бул тууралуу петициянын автору, коомдук ишмер Раушан Айткулова айтып чыкты.
Сайт президенттик аппарат үчүн жабылды, деп болжоду ал.
- Бул жагдай эки нерсени ачыктап койду: президенттин коомдук пикирден канчалык корко турганын жана сын-пикирлерди жазалаган доордун кайра келгенин, - деп эсептейт Айткулова. - Чыныгы лидер мындайга жол бербейт эле. Өлкөнүн бардык ЖМКлары муну маалымдашканына карабай, дагы деле сайттын иштебей жатканына караганда - ал өлкө жетекчилигинин буйругу менен жабылган.
Ал ортодо президенттик аппараттын басма сөз кызматынан комментарий алууга мүмкүн болгон жок.
Эске салсак, кечээ Кыргызстанда Сооронбай Жээнбековго импичмент жарыяланган Change.org сайты иштебей калган. Ага 4 миңге жакын кыргызстандык кол койгонго жетишкен.
Эльдос Казыбеков
Фото www