Menu
RSS

Биз социалдык тармактардабыз:

TwitterFacebookYoutubeInstagramTelegram

Араван РИИБдин башчысы массалык мушташ үчүн кызматтан бошотулду

  • жолу 197 кароо

Милициянын полковниги коомдук тартипти туура эмес сактагандыгы үчүн кызматтан бошотулган. Ага баш ийген бир катар адамдар тартиптик жоопкерчиликке тартылышты

Араван районунда коомдук тартипти туура эмес сактагандыгы үчүн Араван райондук ички иштер бөлүмүнүн башчысы ээлеген кызматынан бошотулуп, бир катар кызматкерлер тартиптик жоопкерчиликке тартылды.

Коомдук тартипти туура эмес камсыздагандыгы үчүн, тактап айтканда, Араван районунда бир күн мурун болгон массалык мушташ үчүн Араван райондук ички иштер бөлүмүнүн башчысы, милициянын полковниги С.Исмаилов кызматтан алынды. Мындан тышкары, бир катар кызматкерлер тартиптик жазага тартылышты.

Ички иштер министрлиги үгүт өнөктүгүндө коомдук тартипти атайылап бузгандарга, Кыргыз Республикасынын мыйзамдарына ылайык, катуу чаралар көрүлөрүн эскертет. Үгүт учурунда коомдук тартипти, мушташтарды жана баш аламандыкты атайылап бузган адам жазаланат.

Шайлоо мыйзамын бузган жарандар катуу жазага тартылат.

Бул факт боюнча сотко чейинки тергөө акыйкат жана мыйзамдуу болуп, күнөөлүүлөр сөзсүз жазасын алышат. Калыс иликтөө жүргүзүлөт.

Коомдук тартипти сактоо боюнча үгүт иштеринин жүрүшүндө, саясий партиялар, айрыкча эл менен жолугушкан партиялар, пландаштырылып жаткан коомдук жыйындар жөнүндө укук коргоо органдарына билдириши керек.

Эске салсак, 2020-жылдын 20-сентябрында Ош облусунун Араван районундагы С.Юсупов айыл аймагынын Араван айылында Жогорку Кеңештин шайлоо өнөктүгү учурунда чогулгандардын ортосунда мушташ чыгып, жаңжалга чейин жеткен. Бул факт Араван РИИБдин кылмыштардын жана жоруктардын бирдиктүү реестринде Кыргыз Республикасынын Кылмыш-жаза кодексинин 266-беренесинин 2-бөлүгүнүн 1-пунктунда көрсөтүлгөн кылмыштын белгиси боюнча катталган. Соттук-медициналык экспертиза дайындалып, сотко чейинки процесстер улантылууда.

Кыргыз Республикасынын Ички иштер министрлигинин басма сөз кызматы
сүрөт www

Ой-пикир кошуңуз


Наверх