Сыймык Жапыкеев: Атайын кызматта мыкты жигиттер бар экен
ЭКККБМКнын жаңы төрагасы кызматка келген биринчи күндөн кийинки таасирлери менен бөлүштү
ЭКККБМКнын(Каржы полициясы) жаңы төрагасы Сыймык Жапыкеев кызматка келген биринчи күндөн кийинки таасирлери менен бөлүштү. Бул тууралуу чиновник Instagram социалдык тармагындагы баракчасына жазды.
«Бүгүн жумушка келген биринчи күн. Текшерүүлөр башталды. Пресс-релиз жарыяланат. Атайын бөлүктө мыкты жигиттер бар экен! ”- деп жазат ал.
Кошумчалай кетсек, бүгүн Сыймык Жапыкеевдин жетекчилиги астында жыйын болуп өткөнүн Каржы полициясынын басма сөз кызматы билдирди.
ЭКККБМКнын коррупцияга каршы күрөшүү, экономикалык коопсуздукту камсыз кылуу боюнча мындан аркы тактикасы, ошондой эле коомчулуктун кеңири реакциясын алган кылмыш иштери боюнча этап-этабы менен иш-аракеттер планына байланыштуу маселелер талкууланды. Иштин жыйынтыгы, ошондой эле өлкө жетекчилигинин түз директиваларын ишке ашыруу боюнча конкреттүү чаралар угулду.
Финансы полициясынын төрагасы республиканын бардык аймактык бөлүмдөрүнүн ишин күчөтүү, өлкөнүн экономикалык коопсуздугунун деңгээлин чыңдоо, мамлекеттик бюджетке келтирилген зыяндын ордун толтуруу, ак ниеттүү бизнестин ишенимдүү корголушун камсыз кылуу боюнча иштин натыйжалуулугун жогорулатуу тапшырмасын берди, ошондой эле коррупцияга каршы коомдук ишти жана калк менен өз ара аракеттенүүнү күчөтүү зарылдыгын белгиледи.
Мамлекеттик бюджетке ири өлчөмдө зыян келтирген жогорку кызмат адамдарына жана ак ниетсиз ишкерлерге каршы ири масштабдуу резонанс жараткан иш-аракеттер, ЭКККБМКныннын ишинин артыкчылыктуу багыты болушу керек, бирок бир тыйын зыян келтирген учурлар эмес.
Жапыкеев ошондой эле, Кызматтын кызматкерлери тарабынан абийирдүү жарандардын ишмердүүлүгүндө мыйзамсыз / ашыкча жүрүм-турум жөнүндө маалымат келип түшкөн учурда, эң катаал чаралар көрүлөрүн белгиледи.
Кеңешменин жыйынтыгын чыгарып жатып, бөлүм башчы мамлекеттин экономикасындагы учурдагы кырдаалды эске алуу менен ишмердүүлүктүн артыкчылыктуу багыттарын аныктоо жана Финансы полициясынын бардык бөлүмдөрүнүн ишинин натыйжалуулугун жогорулатуу зарылдыгын белгиледи.
Учурда бир катар чуулгандуу кылмыш иштери тергелип жатат.
Эске сала кетсек, 17-октябрда Сыймык Жапыкеев Финансы полициясынын башчысы болгон.
Сүрөт www