Башкы прокуратура Баткен облусунун экс-башчысынын уулун Кыргызстанга өткөрүп берүү жол-жобосун жүргүзөт
Россиянын башкы көзөмөл органы кыргыз кесиптештеринин өтүнүчүн канааттандырды
Башкы прокуратура Москва шаарында алдамчылыкка шектелип кармалган экс-өкмөттүн Баткен облусундагы өкүлү Алишер Абдрахмановдун уулу Азиз Орозбаевди Кыргызстанга өткөрүп берүү жол-жобосун жүргүзүүдө. Бул тууралуу Vesti.kg сайтына башкы көзөмөл органынан билдиришти.
Белгиленгендей, Кыргыз Республикасынын Башкы прокуратурасы 25-сентябрда Азиз Орозбаевди кылмыш жоопкерчилигине тартуу үчүн Россиялык кесиптештерине өтүнүч жөнөткөн. 30-октябрда Россия Федерациясынын Башкы прокуратурасы бул өтүнүчтү канааттандырды. Учурда Баткен облусунун экс-башчысынын уулун Кыргызстанга өткөрүп берүү процедурасы жүрүп жатат.
Эскерте кетсек, 11-сентябрда Москвада ошол кездеги Баткен облусунун жетекчисинин милдетин аткаруучу Азиз Орозбаевдин уулу кармалганы белгилүү болгон. Жаш жигит алдамчылыкка шектелип жатат. Белгиленгендей, былтыр Азиз көрүнгөн үч жаран кыргыз жаранына 2165 350 сом өлчөмүндө материалдык зыян келтиришкен.
Азиз Орозбаев былтыр жазында тергөө иштеринен дайынсыз жоголгон. Январь айында ага сыртынан айып тагылган.
Алдын ала маалыматтар боюнча, Абдрахмановдун уулу 2020-жылдын 4-сентябрында Москва шаарынын Красносельский районунда аймактык укук коргоо органдары тарабынан кармалган.
Ошол эле учурда, кармалган адамды андан ары экстрадициялоо маселелери менен КР Башкы прокуратурасы алектене тургандыгы белгиленди.
Медина Купсулдаева
Сүрөт www