Прокурорлорго шайлоодогу мыйзам бузуу фактылары 2-3 күндөн ашпай каралышы керектиги айтылды

Кыргыз Республикасынын Президентин кезексиз шайлоого даярдануу жана өткөрүү боюнча шайлоо комиссияларына көмөктөшүү боюнча республикалык штаб Чүй облусунда көчмө жыйын өткөрдү.

Вице-премьер-министр, Республикалык штабдын төрагасы Максат Мамытканов жана БШКнын төрагасы Нуржан Шайлдабекова Чүй облусундагы шайлоо участкаларынын даярдык процессин талкуулашты.

Шайлоо учурундагы мыйзам бузууларга ыкчам чара көрүү маселелери боюнча, шайлоо комиссияларынын ички иштер органдары менен мыйзам бузуулардын сигналдары боюнча өз ара аракеттенүү тартиби жөнүндө түшүндүрмөлөр берилди, ошондой эле көрүлүп жаткан чаралар жөнүндө жарандарга маалымат берүүнүн маанилүүлүгүн баса белгилешти.

Ошондой эле, шайлоодо мыйзам бузууларды кароонун мөөнөттөрү менен тартибинин сакталышына прокурордук көзөмөлдүн маанилүүлүгүн белгилешти. Шарттары 2-3 күн.
Ар бир райондо жана шаарда ыкчам жооп берүүчү координациялык топтор түзүлүп, алардын курамына шайлоо комиссияларынын төрагалары жана укук коргоо органдары киришти.

Кеңешменин жүрүшүндө мамлекеттик органдардын жана жергиликтүү өз алдынча башкаруу органдарынын башчыларына төмөнкүдөй тапшырмалар берилди:

- 2021-жылдын 10-январында боло турган Кыргыз Республикасынын Президентин кезексиз шайлоого даярдык көрүүдө шайлоо комиссияларына үзгүлтүксүз байланышты, электр энергиясын, транспортту камсыз кылуу;

- 2021-жылдын 10-январында Кыргыз Республикасынын Президентин шайлоону уюштуруу жана өткөрүү учурунда коронавирустук инфекциянын жайылышын алдын алуу боюнча санитардык-эпидемиологиялык талаптардын сакталышы;

- шайлоо участкаларына жылуулукту үзгүлтүксүз берүү;

- укук коргоо органдары тарабынан шайлоо участкаларынын жана шайлоо комиссияларынын мүчөлөрүнүн коопсуздугун камсыз кылуу;

- жер-жерлерде шайлоочулардын көйгөйлөрүн чечүү;

- шайлоону даярдоонун жана уюштуруунун жүрүшү жөнүндө республикалык штабга өз убагында маалымдоо;

- шайлоо комиссияларын материалдык-техникалык жактан камсыз кылуу;

- биометрикалык каттоодон өтүү боюнча шайлоочулардын арасында маалыматтык-консультациялык иштерди жүргүзүү, шайлоочулардын тизмесинде өзүн тактоо;

- административдик ресурстарды пайдалануу, шайлоочуларды сатып алуу, ошондой эле башка Мыйзам бузуулар учурларында ыкчам чара көрүү;
атайын категориядагы жарандар менен иштөө;

- муктаждыктардын картасын тактоо, кыймыл-аракети чектелген адамдар үчүн шарттарды түзүү - ДМЧА (пандустар, тосмолор, чакыруу баскычтары менен жабдуу).

КРнын БШКнын маалымат бөлүмү
Сүрөт www