Феликс Кулов: Алар Курсан Асановдун жубайын шайлоо күнү жактоочусуз суракка алууну көздөшкөн

Алар акыркы президенттик шайлоо күнү Ички иштер министринин экс-орун басары Курсан Асановдун жубайын суракка алууну көздөшкөн. Бул тууралуу мурдагы премьер-министр Феликс Кулов Фейсбуктагы баракчасына жазды.

«Курсан Асановдун сөздөрүнөн жаңы эле тергөөчүнү суракка алуу учурунда аялы эсин жоготуп, 11-январь, дүйшөмбүдөн бери мээге кан куюлуунун алдын-ала диагнозу менен ооруканада жаткандыгын билдим.

Көрсө, ал ишембиде, атүгүл жекшембиде, шайлоо күнү суракка чакырылган экен. Бирок адвокаттын жоктугуна байланыштуу Курсан Асанов суракты дүйшөмбүгө жылдырууну суранды.

Ошондой эле адвокат тергөөчүгө Курсан Асанов катышып жаткан президенттик шайлоо добуш берилип жаткан күнү чакыруу туура эмес экендигин айтты.

Көрсө, дүйшөмбү күнү адвокат бош эмес экен. Бирок ошого карабастан, тергөөчү сурак берүүнү талап кылды », - деп жазат мурдагы премьер-министр.

Асановдун жакындары адвокат жокто аялга катуу психологиялык басым жасалган деп божомолдоп жатышат.

«Кыйыр тастыктоолордун бири - дем алыш күндөрү дагы тергөөчүнүн туруктуу кысымы.

Курсан Асанов айткандай, бул жарандык-укуктук мамиле жана анын аялы доогер менен акылга сыярлык компромисске барууга даяр.

Биринчиден, УКМКнын АКСи келишимдик мамилелерге кийлигишүүсү атайын кызмат жасай турган иш эмес. Эң жакшы учурда Каржы полициясына өткөрүп берүү керек болчу. Экинчиден, бул иштин дээрлик эки жылдык тарыхы бар жана шайлоого чейин пайда болгон мындай бир тараптуу көңүлдүн пайда болушун башкача саясий негизде деп атоого болбойт.

Мен АККны Каржы полициясына өткөрүп берүүнү же анын негизинде Президенттин алдында Коррупцияга каршы күрөшүү боюнча улуттук бюрону түзүүнү көп жолу сунуш кылдым.

Бул аралыкта АКК УКМКнын жаңы төрагасынын жетекчилиги астында бул ыплас тажрыйбаны токтотушу керек. Анын үстүнө Ташиев өз убагында мунун баарын башынан өткөргөн », - деди Кулов.

Эскерте кетсек, буга чейин Курсан Асановдун жубайы УКМК сурак берип, ооруканага түшкөнү белгилүү болгон.

Сүрөт www